Hafrapönnukökur með banönum
100 g OTA Solgryn hafrar
50 g heilhveiti
150 g hveiti
3 msk. sykur
3 msk. lyftiduft
1 tsk. sjávarsalt
500 ml mjólk
3 msk. matarolía
4 þroskaðir bananar
Blandið öllum þurrefnum saman í skál. Hellið mjólk og olíu saman við og hrærið vel. Bakið pönnukökurnar á góðri pönnu í 2-3 mínútur á hvorri hlið. Berið fram heitar með litlum bananabitum og ís að eigin vali.
Næturgrautur með eplum & kanil
40 g OTA Solgryn hafrar
100 g mjólk að eigin vali
½ rautt epli, skorið í bita
1 tsk. kanill
Blandið höfrum og mjólk saman í krukku. Setjið eplabita og kanil ofan á og látið standa í kæli í að minnsta kosti 2 klst. og allt upp í 12 klst. Njótið að morgni!
Appelsínu hafraskonsur með trönuberjum
200 g OTA Solgryn hafrar
75 g heilhveiti
150 g hveiti
50 g sykur
½ tsk. sjávarsalt
1½ tsk. lyftiduft
50 g kanilstöng
50 g ósaltað smjör, skorið í bita og kælt
75 g þurrkuð trönuber
Rifinn börkur af einni appelsínu
1 stórt egg, þeytt
60 ml súrmjólk
½ tsk. vanilludropar
½ tsk. möndludropar
Forhitið ofninn í 180°C og leggið bökunarpappír á ofnplötu.
Setjið öll þurrefnin í matvinnsluvél og blandið saman. Bætið smjörinu saman við og hrærið saman í grófa mylsnu. Bætið trönuberjum og appelsínuberki saman við.
Þeytið saman í stórri skál eggi, súrmjólk og kökudropum. Hellið saman við þurrefnin og hrærið þar til allt er vel blandað saman.
Sáldrið dálitlu hveiti á bretti og rúllið deiginu í 2-3 cm lengju. Skerið lengjuna í 10 sneiðar og leggið á bökunarplötuna. Penslið skonsurnar með súrmjólk og sáldrið smá sykri ofan á.
Bakið í 15-20 mínútur eða þar til skonsurnar eru orðnar gullnar á lit. Berið fram volgar.
Kókosþeytingur með mangó & túrmerik
20 g OTA Solgryn hafrar
1 tsk. sítrónusafi
120 g ósæt kókosmjólk
100 g ferskt mangó
80 g fituskert jógúrt án ávaxta
1 tsk. túrmerikduft
½ tsk. ferskt engifer, rifið
1 tsk. hunang
½ bolli ísmolar
Öll innihaldsefni eru sett í blandara og þeytt saman þar til áferðin er slétt.
Ábending: Til þess að ná enn sléttari áferð er hægt að setja hafrana út í 60 ml af vatni og hita í örbylgjuofni í 1 mínútu, kæla og setja síðan í blandarann.
Heitur grautur með berjabombu
1 dl OTA Solgryn hafrar
2-3 dl vatn
Salt eftir smekk
Hafrar og vatn sett í pott og hitað að suðu. Hitinn lækkaður og grauturinn látinn malla í nokkrar mínútur. Saltað eftir smekk.
Grautinn má skreyta með t.d. ferskum fíkjum, brómberjum, bláberjum, heslihnetum, fræjum og hunangi.
Ávaxtaþeytingur með kókosrjóma
OTA Solgryn hafrar
Kókosrjómi
Möndlumjólk
Fersk jarðarber
Frosin hindber
Frosin bláber
Öll innihaldsefni sett í blandara og þeytt saman þar til áferðin er slétt. Magn vökva fer eftir því hversu þykkan þeyting þú vilt.
Skreyttu þeytinginn með t.d. myntulaufum, rifsberjum, brómberjum, ástaraldini, kókosflögum eða möndluflögum.
Kaldur grautur með kanil & möndlumjólk
OTA Solgryn hafrar
Chia-fræ
Möndlumjólk
Bananar
Bláber
Heslihnetur
Kanill
Kaldur grautur í krukku er frábær morgunmatur sem hægt er að grípa með sér. Það er best að undirbúa hann kvöldið áður. Magn og hlutfall hráefna í þessari uppskrift er ekki heilagt heldur fer eftir stærð krukkunnar og hvort þú viljir að grauturinn sé þykkur eða þunnur.
Bláber, frosin eða fersk, sett í botn krukkunnar. Chia-fræjum og höfrum blandað saman og bætt við í krukkuna. Bananar og heslihnetur eru sett út í blönduna og að lokum er möndlumjólk hellt yfir. Krukkan er síðan geymd í kæli yfir nótt.
Áður en grauturinn er borðaður má setja t.d. bláber og hindber ofan á og að lokum er kanil stráð yfir.
Döðlustangir með hunangi & möndlum
150 g OTA Solgryn hafrar
80 g hunang eða hlynsíróp
175 g döðlur
65 g hnetu- eða möndlusmjör
140 g möndlur (saxaðar, ef vill)
Setjið döðlur í matvinnsluvél þar til þær líkjast blautu deigi og bætið þá höfrum og möndlum við. Hitið hunang/hlynsíróp og hnetu-/möndlusmjör í skaftpotti á lágum hita, bræðið saman og hellið yfir döðludeigið. Blandið öllu vel saman, látið á bökunarpappír og breiðið jafnt úr öllu. Geymið í kæli eða frysti í um 20 mínútur eða þar til deigið hefur harðnað og skerið þá niður í bita. Hægt er að breyta uppskrift lítillega og bæta t.d. súkkulaðibitum, þurrkuðum ávöxtum, vanillu, kanil og ýmsu öðru við.
Geymist í kæli eða frysti.
Haframjólk með döðlum & vanillu
1 dl OTA Solgryn hafrar
4 dl vatn
klípa af salti
3- 4 döðlur
1 tsk. vanilla
Best er að leggja hafrana í bleyti yfir nótt, það er betra fyrir meltinguna.
Öllum innihaldsefnum er blandað vel saman í blandara. Mjólkin er svo síuð í gegnum fínt sigti eða grisju og sett á flösku. Mjólkin endist í 4-5 daga í ísskáp.
Gott er að blanda berjum eða kakó við mjólkina.
Græni væni
1 dl OTA Solgryn hafrar
3 dl vatn
3 cm ferskt engifer
Handfylli spínat
Handfylli grænkál
Safi úr einni límónu
Frosin lárpera eða banani
Nokkur blöð af ferskri myntu
Öll innihaldsefni sett í blandara og þeytt saman þar til áferðin er slétt.
Hrökkbrauð með graskers- & hörfræum
1 ½ dl OTA Solgryn hafrar
1 dl hörfræ
1 dl sesamfræ
1 dl graskersfræ
3 ½ dl spelt
1 ¼ dl ólífuolía
2 dl vatn
Salt eftir smekk
Forhitið ofn í 200°C og leggið bökunarpappír á tvær plötur. Setjið hafra í matvinnsluvél og malið gróft. Hellið svo haframjölinu í skál og bætið spelti og fræjum út í. Blandið vel saman áður en ólífuolíu og vatni er hellt út í. Hrærið saman með sleif og fletjið deigið út á bökunarpappír. Deigið ætti að passa á tvær bökunarplötur. Stráið salti yfir í lokin og bakið í um 15 mínútur við 150-200°C. Gott er að skera deigið með pítsuskera áður en það er látið í ofninn eða um leið og það er tekið út.
Bláberjakubbar með kanil & möndlum
100 g OTA Solgryn hafrar
200 g bláber
100 g spelthveiti
¼ tsk. salt
¼ tsk. lyftiduft
¼ tsk. kanill
100 g sykur
80 ml olía
Forhitið ofn í 180°C. Hellið öllu þurrmeti saman í skál og blandið vel saman. Bætið olíu út í og hrærið. Látið 2/3 af deiginu á bökunarpappír og dreifið vel úr. Hellið bláberjum út í skálina með afganginum, blandið vel saman og setjið yfir deigið á bökunarpappírnum. Bakið í um 35 mínútur, skerið í bita og látið kólna í rúma klukkustund.